عاجل لللاهميه

السلام عليكم ورحمة الله وبركاته

اعزائي الطلاب والطالبات


عندي مشكله كبيرة مع وزارة التعليم العالي وهي كالتالي

انا طالب مبتعث في الاردن وجانا الدكتور الموسى بزيارة بعد المكرمه لاني درست فصل وجتني البعثه المهم سئلناه وقلنا له اننا نريد

التحويل من الاردن الى أمريكا وقال بالحرف الواحد نرحب بهذه الفكره وفرحت لان تخصصي ماستر لغة انجليزيه ( لغويات ) ومن الافضل ان ادرس ببلد

يتحدث اللغة الانجليزيه لاني تعبت شوي بالدراسه ولم أقطع الا 6 ساعات وحذفت الترم هذا قلت على شان احول جلبت قبول مشروط وكلمت الملحقيه اللي بامريكا

لان موقع الوزارة يقولون لي الشباب انهم ماحدثوه من عام 2005 قلت ابتاكد من الملحقية وبالاحرى من الاستاذ طارق الشيخ قال هذي القائمه الجديده واخر

تحديث 5 اغسطس2011 وجدت ان الجامعة غير موقوفه وكلمته للتاكد مره ثانيه قال لا الجامعة موصى بها المهم ارسلت له القبول وصدقه لي بالختم الاحمر

ماابي اطول عليكم قدمت عبر البوابه الالكترونيه ورفضوا الطلب مرتين اول مره قالوا الجامعة فيها تكدس والمره الثانيه قالوا مو موجود الدرجة والتخصص

بالقبول المهم رحت للرياض وبينت لهم الدرجة والتخصص قالوا اوكيه ارجعلنا بعد يومين جيتهم الا عدم المواقفه على الانتقال لسببين

1- ان الجامعة موقفه للتكدس
2- ان الطلاب خريج بكالوريوس لغة انجليزيه فلايسمح له دراسه اللغة

السبب الاول وجدت له حل من قبل الدكتور ناصر الفوزان وقال تدرس ترم بالجامعة وتحول قلت اوكيه ورجعت سويت طلب من جديد

ولكن عقدتني اللجنة تقول ان بكالوريوس لغة انجليزيه لازم تجيب التوفل قلت انا ابغى اقوي لغتي 4-6 شهور وانا دارس بجامعة سعوديه ياجماعه

والان ماستر يبغاله لغة افضل وغيري يدرس سنه ونص انا ابغى بس 6 شهور رفضوا مع العلم انا اعرف زملاء لي طلعوا بعثه وبعضهم التحقوا من

امريكا واعطوهم لغة سنه واكثر وقلت لهم هالكلام قالوا يمكن هذا اخطاء قديمه والان نبي نصححها وازيدكم من الشعر بيت ان برنامج خادم الحرمين

لما يتقدم له خريج لغه انجليزيه هم اللي يجيبون له قبول لغه ويخلونه يدرس

انا في حيره من امري وتعقدت صراحه لاتبخلوا علي بنصائحكم محتاج لها والله يجزاكم خير ,,,

اسف على الاطاله

والله اتمنى افيدك لكن اجهل بهذه الامور ... بس روح لوزير التعليم العالي وحاول معاه يمكن يفيدك واحد من الشباب راح له ومشت له شغلته بفضل رب العالمين في موضوع معقد

صراحة عيب انك خريج لغة انجليزية وتبي تدرسة لغة !

العيب اخبره والله يابش مهندس وهذا يعكس تربية ابوك لك صراحه كل معيدين الجامعات السعودية يدرسون لغة مافيها شي

انت بالانجلش perfect بس انا بعطيك دروس بالتربية والمراجل وكيف ترد على انسان بحاجة لردود تشفي الغيل مو تزوده ومو معقدنا الا اللي مثلك

من أبسط حقوقك تدرس لغة بأمريكا
لكن أظن أن ٦ أشهر غير كافية لك لأن تدريسنا في السعودية زي ما أنت عارف
روح للوزير واشرح وضعك وبإذن الله تنفرج أمورك
دعواتي لك بالتوفيق

اول شي الله لا يضيع تعبك اخوي

اذا الجامعه فيها تكدس تقدر تغير ؛؛ هذه اللي اعرفه

امــآ الانقليش << ما اعرف ياليت تتواصل مع نفس تخصصك

هم بفيدونك ويعلمونك طريقة قبولهم << تنحط بالصوره

واخيرا لا تقطع الامل / لو مــافيه امل كان انهــيــار :(

أشكركم أخواني واخواتي على هذه الردود

واتطلع الى ردود اكثر ونصائح أيضا

طيب لاتعقد الامور غير الجامعه ياخي
انت الي ذاك اليوم في الملحقيه عند خالد العمار صح

الله يعينك ي اخوي ويوفقك . .

مَ عليه تصصبر , . وربك بيفرجهآآ , ,

سو اللي عليك وحآول منه و منه !
وآدع ربك في كل الأحوآل تلقآه منآجيك إن شاء الله , ,

آبيك بس تروق امانتك روق
ولا تآخذ الأمور مرره مُعقده


** مُلآحظة / الإنسآن اللي يقول عنه اكتفى بالعلم او انه فآهم كل شيء فَ هو إنسسآن جآهل , ,
العلم مَآله حدود , , ولا له مجآل
ووش عيب الله يهدآك , .
اسستح ع وجهك بسس ,
~ الرجآل جآيك يبي يستزيد ويقوي للغته , , ترآك بَ السسعوديه وامحق للُغه نععرف



* d777-93@hotmail.com
اتمنى انك تضيفني not any more

القصة اخوي مو تغيير جامعة القصه انهم يقولون انك مايحق لك دراسة لغة بما انك خريج بكالوريوس انجلش

وبعدين انت غلطان مو انا اللي تقصد وماعرف خالد العمار

d7omeاوكيه اخوي اضفتك عندي بالهوتميل

أرجوكم ياأصحاب الخبره شاركوني بهمي اليوم للمره الثالثه عدم الموافقه على طلب انتقالي وبنفس الاسباب

محتاج لنصايحكم

مالكـ الا تروح للوزير و ان شاء الله اموركـ تـتـسـهل

موفق خــــــيـر

:)

الله يسخرلك من يخدمك وعليك بالدعاء

الله يجزاكم الف خير على الوقوف جانبي

واليوم قدمت طلب مره اخرى ودخلت ع الدكتور ونفس الكلام الله يستر